හිස් තැනකි නිවන් පුර (ගමයාගේ නිසදැස් )

බව සසර දුක නිවන 
හිස් තැනකි නිවන් පුර

සාරසක් කප් සියක් 
පෙරුම් පුරමින් බවුන් වඩා 
බිඳ දමා සියලු රුක්ෂයන් 
වැජබෙන යෙහෙන් සිත මත 
ඇතුළු වනු දරුව
අපා දෙපා සිව්පා 
දුටු නුදුටු සියලු සතුනට 
මෛත්‍රී කරමින

ඒ මග දුර වැඩියි දුෂ්කරයි 
පින්වතුනි 
ෂෝර්ට් කටයක් තිබේ 
වහ වහා මේ බලව

නිවන් පුර රුවන් දොර 
සැනෙන් බිඳ හෙළිය හැකි 
ගිජිඳු රජවරුන් පිට 
නැගී යමු පෙරහැරක

බිද දමනු හැකියි ද්වාරය 
ගිජුඳු බලයෙන් 
බෙර හඬට පා තබන 
වහ වහා රැගෙන ඒව 
ගිජිඳුන් යමින් බැඳ 
මව් ඇතින්න මර දමා උවද 
දොසක් නැහැ පින්වත

බව සසර දුක නිවන 
හිස් තැනකි නිවන් පුර 
ඇතුළු වනු දරුව
අපා දෙපා සිව්පා 
දුටු නුදුටු සියලු සතුනට 
මෛත්‍රී කරමින

- ඉන්දික අනුරාධ ගමගේ -
10/08/2016

තම්බින්ගෙ ආගමට ඉඩක් නෑ මේ රටේ (ගමයාගේ නිසදැස් )

(ඒඩ්ස් වලින් පියා මියගිය දරුවා පාසලෙන් නෙරපයි)

තම්බින්ගෙ  ආගමට ඉඩක් නෑ

මේ රටේ

ඉන්න තුරු බවුද්දයො රට පුරා

අපි වගේ

ලෝකෙන්ම උඩින් ගිය රාවනා

මේ අපේ

ඉහ පුරා පපු අරා දුවනවා

සිංහ ලේ

දුරාචාරයේ දිනක යෙදී තිබුනොත්

එකෙක්

ගල්ගසා මරන්නෙමු පවුලටම නෑ

සැකක්

බුදු දහම රැක ගන්න අපි උපන්

ජාතියක්

තම්බින්ගෙ ආගමට මේ පොලවේ නෑ

ඉඩක්

ගල් ගසා  මරණ කල එවුන් සම්මත

බිඳින

තම්බින්ගෙ ආගමට මේ පොලවේ ඉඩ

කොහිද ?

රාගය (ගමයාගේ නිසදැස් )

මැගේ නම රාගයයි පිරිමින්ගේ සිත් ඇතුලෙ වසන්නී
මධු විලෙන් කැලතෙනා හලා හල විෂ දියර ගලන්නී
මහා අග්නියක් වී දෙවොල් මඩු කැනිමඩල සිබින්නී 
නිශා අහසේ සොදුරු තරු එලිය වී ලොවේ ජීවය රකින්නී

යලි නොඑයි සරස්වති (ගමයාගේ නිසදැස් )

ශ්වේත සළු හැදි ගිරි ශිකර මත

පය තබා නිල් ගුවන් ගැබ වැද

සැරිසැරූ ලොව හිතුමතේ

සොදුරු මල් විය අබියසේ

සිත මත්ව කවි මතින්

පෙරුම් පිරුවෙමි

කවි බින්දු  වී සිප ගන්න

සොදුරු සිත් සුවහසක්

දෙදෙව් ලොව යසස් ඇති

සොදුරු කත කෙලෙස් නැති

කළා ලොව වනස් පති

හිනැහුනා සරස්වති

මිතුරු තොමෝ බිතුසිතුවම්

මෙන් පැවතී

දුන් ඔවදනක් සිටියා

සිත තුල නැවතී

ඉසුරු දෙන මන බැන්ද

ලක්ෂ්මි නම් සුර ලන්ද

නොඑන බව නොදනිම්ද

සිත සරස්වති ඉන්න

කවි ලීම අත් හළෙමි

ලක්ශ්මිට ම පෙම් කලෙමි

එනතුරා මග බැලීමි

විසි වසක් ගොස් තිබුණි

බලා සිටියා නිබද පේවී

අද  නැතත් හෙට වඩියි රෑ වී

ගිය නමුත් විසි වසක් සේදී

කිමද නාවේ ලක්ෂ්මි දේවී

නොපැමිණි නිසා ලක්ශ්මිය

ලියන්නට කවි යලිත් සිත් විය

නොහැක ලියනට පෙර පරිදි කවි

ඇවිලුනා හදවතේ දුක් ගිනි

බිඳුණු සිත් දුරස් ඇති

යලි නොඑයි සරස්වති

18/12/2015

කඳුළු බිඳ මම වෙන්නම් (ගමයාගේ නිසදැස් )

ඔබේ ඔය නිල දෑසේ

කඳුළු  බිඳ මම වෙන්නම්

ඔබේ ලය පිරී ඇති

දුක් සුසුම මම වෙන්නම්

සෙනෙහසින් නොසිදෙනා

ඔබේ මුව සිප ගන්නම්

සසර සරනා තුරුම

මම ඔබව සනසන්නම්

මේ ඉල් මහ (ගමයාගේ නිසදැස් )

නොමැරී මැරෙනා දනන් වෙනුවෙන් සෙනෙහසින් හද තෙත් වුනා
නොසිට නිවටව සටන් බිම තුල ඔබේ අසිපත ලෙල දුනා 
උතුම් අරමුණු සිතින් දරමින් රණ බිමේ ලේ වැගිරුනා
නොමල මුත් මල දනන් අභියස කිසි දිනක නුබ නොමියනා

03/11/2016 NOVEMBER 

LTTE හිටපු දේශපාලන අංශ නායිකා තමලිනී පිළිකා රෝගයකින් මියයයි (ගමයාගේ නිසදැස් )

(LTTE හිටපු දේශපාලන අංශ නායිකා තමලිනී පිළිකා රෝගයකින් මියයයි)

තමලිනී නුඹ හමුවුනී නම් යුද වැදී

සමුදෙමී මම මම උණ්ඩයෙන් එක සැනෙකිනී

වැතිරෙමී බිම සමරමී නුඹේ පෑ එඩී

සුරකිමී නුඹේ නෑ සියන් මගෙ පන මෙනී

(22/10/2015)

නීල වරලස (ගමයාගේ නිසදැස් )

නීල වරලස සෙමෙන් පිරිමැද

තුරුලෙ උණුසුම් කරන්නම්

සොදුරු ලැම මත

රගන රණ හස

නොතලමින් රස විදින්නම්

තඹර පෙති මත

නොරැදී පිනිබිදු

දෙතොල් තබමින් උරන්නම්

රහස පන මෙන් රකින්නම් ..

16/10/2015 

හිනැහෙනා දන දැයේ සතුරන් නසා ... (ගමයාගේ නිසදැස් )

රළු අහස දෙදරවා

කිරි මුහුද කළඹවා

සක්වල ගල මතට

කුවේණිය ගෙන්නවා

ඇසුණු මුනි බන නිසා

හී පාරක වලකවා

රුදුරු මරණින් මිදුණු

සියලු සත කැදවලා

නැගුනු දා ගැබ නිසා

තෙලඹු ගස හැර පියා

සිනාසී ඉවත ගිය

රන් මාලි දෙස බලා

මගුල් බෙර හඩවලා

පියුම් පාවඩ එලා

දෙරණ රකින්ට සපත

දෙව් බබුන් වැඩමවා

රුවන් සළුපිලි වලින් සැරසුව

යදම් බැදී පා සෙමෙන් තබමින

අතීතයෙ රන් රුවන් කරඩුව

වඩම්මන සැටි බලන් ඇත්රජ

එහෙත් සකියනි බලන් නෙත් හැර

සගවන්න  හැකිවේද දෙනෙතට

පිළුණු දැයකින් ගලන ඕජස

අතීතයෙ සළු කොතක් වෙලුවද

පියවරුනි සැතපෙනා කූඩුවේ

මව් වරුනි පිඩු සිගන මාවතේ

දියණියනි කෙලෙසෙනා නිවහනේ

නුඹයි කැඩපත අභිමාන ජාතියේ

දෙමලුන්ව පෙති ගසා

තම්බින්ට ඇන ගසා

දෙව්දත්ගෙ බන අසා

හිනැහෙනා දන දැයේ සතුරන් නසා ...

---- ඉන්දික අනුරාධ ගමගේ --------- 15/10/2015

උතුරේ විහාරස්ඨාන ඉවත්කිරීම සහ බුද්ධ පුත්රයින්ගේ වගකීම

උතුරේ බවුද්ධ විහාර ඉවත්කිරීම ට ජනතාව උද්ඝෝෂණය කිරීම ගැන ඉතා සංවේදීව සහ ගැඹුරින් සිතා බැලිය යුතුය. මම හින්දු භක්තිකයින් බොහෝ ඇසුරු කර  ඇත්තෙමි. ඔවුන් බොහෝ දෙනකුට බුදු රජාණන් වහන්සේ ගැන තිබෙන්නේ ඉමහත් ගවුරවයක්. ඔවුන් බුදුන් වහන්සේ අමතන්නේ මහා ඍෂි නමින්. එහෙත් ශ්‍රී ලංකාවේ හින්දු භක්තිකයින් බුදුන් වහන්සේත් බවුද්ධාගමත් කෙරෙහි මෙතරම් වෛරයකින් පසු වන්නේ ඇයි ?. මෙය හොදින් සිතා බැලිය යුතු තත්ත්වයකි. පිළිතුර නම් ශ්‍රී ලංකාවේ දී බුදු දහම දැඩි ජාතිවාදී සහ  ස්වරුපයෙන් ක්‍රියාත්මක වීමයි.  අද වන විට බවුද්ධ භික්ෂූන් වහන්සේ නමක් සිහියට නගන විට සිතේ මැවෙන්නේ උපශාන්ත පෙනුමකින් වඩින  පැවිදි රුවක් නොව වෛරයෙන් කෝපයෙන් කෑ ගසන චීවර දාරි රුවකි.  තම හිස මතට පතිත වූ මෝටර් සහ කාල තුවක්කු උණ්ඩ වලට ඍජුවම දායකත්වය සපැවුයේ භික්ෂූන් වහන්සේලා බව ඔවුන් දනිති. මේ බුදුන්ගේ දේශයයි කෑ ගසන ඔවුන් මේ සින්හලයින්ගේ දේශයයි ද වදාලති. එහි වක්‍රාකාර තේරුම නම් මේ බිම දෙමලාට අයිති නොවේ එහි අයිතිය ඇත්තේ සිංහල බවුද්ධයින්ට පමණි යන්නයි. එවිට දෙමලාට සිතෙන්නේ කුමක්කද? බුදුන් වහන්සේ යනු තම ජාතියේ පරම සතුරෙකි. බුදු පිළිම යනු සතුරු ආක්‍රමණිකයින්ගේ සංකේතයයි. හන්දියක් හන්දියක් ගානේ බුදු පිළිම තැබූ විට බුදු දහමේ සුරක්ෂිත තාවය ඇති වන්නේ යයි සිතීම බරපතල අනුවන කමකි. බුදු දහමේ සුරක්ෂිතබාවය ඇති වන්නේ සැබෑ බවුද්ධයින් වැඩි වන තරමටය. පළමුව භික්ෂූන් වහන්සේලා බවුද්ධ විය යුතුයි. බුද්ධ පුත්‍රයින් නම් ගමන් කලයුතු වන්නේ පියාගේ අඩි පාරේ මිස අන් අය ගිය මාවත් වල නොවේ. පියාගේ ගුණ ගයමින් ඊට ප්‍රති විරුද්ධ දිශාවන්හි ගමන් ගන්නා අය බුද්ධ පුත්‍රයින් වන්නේ කෙසේද?. මහ ජාතියේ බලය පවත්නා විධායකය, විව්රස්තාදායකය සහ අධිකරණය යොදා ගනිමින් අවශ්‍ය නම් උතුරේ අඩි  දහයෙන් දහයට බුදු පිළිම තැන් පත් කල හැකිය. එසේ බලහත්කාරයෙන් තැන්පත්  කරන බුදු පිළිම බුදු දහම ආරක්ෂා කරන්නේද? බුදුන් වහන්සේ ධර්මය දේශනා කලේ බවුද්ධ්යින්ට නොවේ අබවුද්ධයින්ටයි. ඔවුන් බවුද්ධයින් වුයේ ඉන්  පසුවයි. මා මීට පෙරද කීප වතාවක්ම සදහන් කල පරිදි උතුර අද විශාලාවක් වන අතර යුද්ධයෙන් කිසිවෙක් නොමල ගෙයක් නොමැත. නියම බුද්ධ්පුත්රයින්ගේ වගකීම සහ යුතුකම වන්නේ එම වේදනාබරිත ජනතාව අතරට වැඩම කොට ඔවුන්ගේ දුක් ගිනි නිවීමට ක්‍රියා කිරීම නොවේද?. විශාලා මහනුවරට බුදුන් වැඩියා සේ ක්‍රියා කිරීම නෙවන්නේද?. ජාති ආගම්  කුල මල බේද සුනු විසුනු කොට සියල්ලන්ම මිනිසුන් ලෙස දැකීම නොවන්නේද?. ජාතීන් අතර වෛරය වැපිරීම වෙනුවට මෛත්‍රිය කරුණාව වගා කිරීම නොවන්නේද?. බලහත්කාරයෙන් බුදු පිළිම තැන්පත් කරනු වෙනුවට ජනතාව සිය කැමැත්තෙන් ගවුරවයෙන් බුදු පිළිම තැන්පත් කරන යුගයක් උදාකර ගැනීම නොවන්නේද ?.

දමල ජනතාව ජාතිවාදී වන අතර අප පමණක් සහජීවනය් ගැන කතා කිරීමෙන් පලක් තිබේද යන්න බොහෝ අය අසන ප්‍රශ්නයකි. දකුණේ ගංමංපිලලා වීරවන්සලා රාජපක්ෂලා මෙන්ම උතුරේත් ජාතිවාදය බඩගෝස්තර වාදය කරගත් විග්නේශ්වරන්ලා ශ්‍රීදරන් ලා රුද්‍රකුමාරන්ලා ද සිටිති. දකුණේ ජනතාව ජාතිවාදයෙන් බලය තහවුරු කර ගැනීමට වෙරදැරූ අවස්තාවාදීන්ට නිසි පිළිතුරු දුන් නමුත් උතුරේ ජනතාව තවමත් දෙමල ජාතිවාදී අන්තවාදීන් ගෙන් ගලවා ගැනීමට අපි සමත් වී නැත්තෙමු. එය කල හැක්කේ බලහත්කාරයෙන් නොවේ. අප අපේ ආධිපත්‍යය යුධමය හෝ සාමකාමී දේශපාලනයෙන් පතුරුවා හරින තාක් කල් ඔහුන් එම අන්තවාදීන් ගෙන් ගලවා ගත නොහැකිය. මා සිතන්නේ විග්නේශ්වරන් කරන්නේ රාජපක්ෂලාගේ කොන්ත්රාත්තුවකි. උතුරේ වැසියන් අවුස්සා දකුණේ අන්තවාදී මතය යලිත් කරලිය ට ගෙන එමෙන් රාජපක්ෂලාට බලය ලබා ගත හැකි පරිසරයක් සකස් කර දීමයි. වාසුදේව මස්සිනාගෙන් ද ඊට අවැසි උපදෙස් ලැබෙනු ඇත.

මා කලින් සඳහන් කල ආකාරයට මේ සඳහා සැබෑ බුද්ධපුත්ර්යින්ට කල හැකි කාර්යය ඉමහත්ය. එවිට එදා තිබු පරිදිම උතුරේත් විහාරස්ඨාන ගොඩ නැගෙනු ඇත.

නහී වෙරෙන වෙරානි

සම්මන්තී ධ කුදාචනන්

අවෙරෙන ච සම්මන්ති

එසධමමො සන න්තනො

(මේ ලෝකයෙහි කිසිකලෙක වයිරයෙන් වයිරය නම් නො සන්සිදෙති.අවයිරයෙන් ම සන්සිදෙති.මෙය පෙර සිට එන ධර්මතාවයකි.)

 24.08.16

"ස්පාටකස්

"ස්පාටකස්' පොට පතට හුරු මේ නම නො ඇසූ කිසිවෙක් නොසිටිය යුතුය. ඉතිහාසගත  මේ මහා වීරයාගේ වීරත්වයේ සුවඳ  මම යම්  පමණකින් විඳ තිබිණි. ඉතා කුඩා කල තේරුමක් නොදනී නමුදු හුදු වීරත්වය නිසාම කියවූ චිත්‍ර කතාවක්  සමග සිත තුල සුවිශේෂී ස්ථානයක් අරක් ගත මේ චරිතය වඩාත් ශක්තිමත්ව පින්තාරු වුයේ කාල් මාක්ස් ගේ ජීවන චරිතය තුල ඔහු විසින් වඩාත්ම ප්‍රිය කල පුද්ගලයා ලෙස සදහන් වීම නිසාවෙනි. මා  දැන සිටියේ ඔහු වහල් නායකයෙකු කැරලි කරුවෙකු බව පමණි. එහෙත්  එකල ලොව සියලුම බලවත් රාජ්‍යයන් පාහේ සිය යටතට ගත් කෘර අධිරාජ්යයෙක් වූ  සීසර් ගේ රෝමයේ දීම වහලුන් සමග ඔහුගේ බලවත් හමුදාවන්ට එරෙහිව සටන් වැද  රෝමයේ කොටසක වහලුන් ගේ නිවහල් දේශයක් බිහි කරමින් වසර හතරක් පුරා එම නිවහල් රාජ්‍යය සුරැකි මාහා වීරවරයෙකු බව මේ පොත කියවන තුරු මම දැන නොසිටියෙමි. මේ අප කතා කරන යුගය ක්‍රිස්තු උපතට වසර සියයකට පෙර කාලයයි. එකල වහලුන් මිනිසුන් නොව තිරිසන් සතුන් කොටසක් බව සාමාන්‍ය ජනයා ට ඒත්තු ගැන්වූ සහ වහලුන් කෙරෙහි එලෙස ක්‍රියා කල යුගයක එවන් වික්‍රමයක් කිරීම සුළු පටු දෙයක් නොවේ. අද පවා තමන් සිතින් වහලුන් ට වහලුන් බව ඒත්තු ගැන්වීම අසීරු සමාජයක් තුල ඔහු ගේ නායකත්වයෙන් රෝම හමුදාව  පරාජය කිරීම ඉතිහාසයේ මා මෙතෙක් අසා ඇති ශ්‍රේෂ්ටතම වීර ක්‍රියාව වන්නේය.

හොවර්ඩ් ෆාස්ට් තම ඉතිහාස දැනුම මත පිහිටුවා මේ ශ්‍රේෂ්ට එයිතිහාසික සටන නව කතාවක් ලෙසින් ගොඩ නගා ඇති අයුරු අපුරුය. සිංහල පාටකයා වෙත මෙම කෘතිය විදීමට දුන් සුදත් බණ්ඩාර ට ගවුරවනීය ස්තුතිය පිරිනැමිය යුතුමය.

පෙර වදනේ එන සුදත් ගේ එක  අදහසක් සමග මම 100% ක් ම එකග වෙමි. එනම් ඉතිහාසයේ සපාටකස් හා සසදන කල ඔහුට ට වඩා කුඩා චරිත ගැන සිංහලෙන් බොහෝ පොත් පත් ලියවී ඇතත්  ස්පර්ටකස් ගැන සිංහල පොත් ඉතා අල්ප බව හා ලාංකීය  නිදහස් කාමීන් තුල පවා ඔහු ගැන දැනුම අල්ප බවයි

21.06.16

ඩොලර් කපුටු නාඩගම

ඩොලර් කාක්කන්, NGO කාක්කන් යන වචන සමාජ ගත කිරීමෙහිලා සම්පුර්ණ ගවුරවයම ජගතා නියුක්ති පෙරමුණ ට ලැබිය යුතුය. ජාතික ගැටලුවේ තම මතයට පටහැනි මතදාරීන් ගේ මතය පරාජය කරනවා වෙනුවට පුද්ගලයින් සමාජය ඉදිරියේ ගර්හාවට ලක් කොට යටපත් කිරීමේ ව්‍යාපෘතියක් ලෙස  ආ මේ නින්දා නාම, මඩ වංස  ජවිපෙ න් එලියට විසි කරන විට ඔතා තිබු රතු රෙද්ද විසිකොට කහ රෙද්දකින් ඔතා හොරෙන් ඉතා පරිස්සමට  රාලපක්ෂ වලව්වට ගෙනයාමට සුක්ෂම විය. එතැන් පටන් මේ නින්දා නාම වල පේටන් බලපත්‍රය රාලපක්ෂ  බැලයන්  සතුවිය.

මේ ස්කලසිරින් පිරි දුපත් තලයේ ඩොලර කපුටු නාමයෙන් වඩාත්ම ගර්හාවට ලක්වූ දෙස්පලුවා වන්නේ විජේ බාහු වන අතර එම නාමයෙන් තම විරුද්ධවාදීන්ට ගසා දැමු වාර්තාව සතු වන්නේ මඩ වංස සතුවය.

මුව විවර කරන වාරයක් වාරයක් පාසා ඩොලර් කුට්ටි වැටුණු විජේ බාහු ගිනි පෙට්ට්ටියක් තරම් වාන් රථයක ගමන් කරමින් ආණ්ඩුවේ ඉස්පිරිතාලේ ලගින විට මඩ වංස උතුමානෝ ඉන්ටර් කූලර් වල ගොසින් මාලිගා වල වසන්නේ දේශාරක්ෂක දේශප්‍රේමී දෙවිදෙවතාවන්ගේ ආනුභාවයත් ආඥ්යාවත් නිසාම විය යුත්තේය.

(ගොඩින් නොගොස් මඩින් ම වඩිනු මැන)

ඉන්දික අනුරාධ ගමගේ 01.07.16

මාළු වතුර බොන කෝප්ප

අපේ මෙනුලි මේ දවස් වල හැම දේටම හේතුව මොකක්ද කියලා විමර්ශනය කරනවා. "ඇයි ඔයා හිටගෙන ඉන්නේ",  "ඇයි ඔයා වාඩිවෙලා ඉන්නේ", ඇයි හිනාවුනේ", ඇයි මාව වඩා ගන්නේ නැත්තෙ", ඇයි වඩා ගත්තේ".  හැම දෙකටම ඇයි, ඇයි ඇයි  කියලා ප්‍රශ්න කරනවා. ඒවාට මොකක් හරි උත්තරයක් දෙන්නම ඕන. පිළිතුරෙන් සැහීමකට පත් වුනේ නැත්නම් "ඔයා බොරු කියනවා" කියලා විරෝධය ප්‍රකාශ කරනවා. අපි Jaffna යනකොට බිම හදලා තියෙන මාළු ටැංකියක් තිබුනා. මේ එතනදී දුව සහ මා අතර ඇති වූ සංවාදය;

මෙනු ; තාත්ති

මම : ඇයි

මෙනු: ඇයි මේ ටැංකියට tap එකක් තියෙන්නේ ?

මම : ආ...... ඒ මාළුන්ට වතුර බොන්න නේ

මෙනු : ඔයා බොරු කියනවා

මම: ඒ මොකද ?

මෙනු: කෝ එයාලගේ කෝප්පේ නැනේ

(ගහේ කටු උල් කරන්න ඕනේ නෑ යනුවෙන් comment කිරීමෙන් වලකින්න)